خواطر ليبيه صقع مالاخير

سلم سلام وحضن ما تحضهالوقت بعض الناس ما تضمنهانها.......
عرب خداعه في جرت مصالح كلها تباعه
و صاحبك يخونك بين ساعه وساعه.......
و كل حد يكدب و حاجته يحصلها
و ما عاد تلقى للنفوس اقناعه...........
واحترت كيف الناس بنعاملها
هالوقت بعض الناس ما تضمنها

2_ عندكش كرت منام بالله ابعته راهو رصيدي تام
اقتلني السهر الليل طويل ما قصره لا كرت لا تحويل
قاعد بروحي في عناي انشيل خارج نطاق التغطيه لأرقم
لامسج لا نطمع ايجيء رسيل انحرقت الشفره وكاتره لوهام

3_ مش كل هم قتال ....... ومش كل حي يعرف مماته
في اللي يعيش تسعين عام ....... وفي اللي امه رماته
و في اللي يعيش مهموم شريد البال ......... وفي اللي السعادة عماته
و في اللي سهران قايم الصلاء...... وفي اللي سكران وفي الصقع رامي عباته

4_ اللي تجرحك يا زين ما انديروها
واللي تجرحك تفداك يلعن بوها
ما نقربها و انحاول بجد الجهد نتجنبها
كان غير حاجة حضرتك طالبها حتى بقطع رقابنا انديروها
و اندقو الصلبه لين تسترطبها
و ترخص علينا الغاليا نشروها

5_ يا عزيز خسارة خليتني بين الغرام و ناره خيبت ضني يا عزيز خسارة
مانحسابك ايجيء يوم و اتسكر عليا بابك ونا مازلت راغبة في لذيذ شرابك
وبعد ما جرفني سيل من تياره وجوابك فهمته ما ايريد فساره
و هده الدنيا حالها متشابك و حتى العسل مرات فيه مرارة (يا خسارة)

6_ ليش يا طبيب الجرح ما با بيرا عيني شكت و القلب فاقد صبر
رد الطبيب : عندي حيره و ما ريت كيفه جرح في تاتيره
لادم ينزف نعرفوا تدبيره ولا كسر ساهل يلزم جبره
و اتريد الصراحة اوحلت في تفسيره حتى ونا في الطب عندي خبرا

7_ دقي اليبرا سواء انموت بين ايديك والا نبرا
دقي على كيفك قوي و زيدي وديري امعاي اللي اليوم اتريدي
يا لابسا الكبوط لون جليدي تقاوي عليا و اطلعيلي دبره
دقي زين وسط وريدي مليوع من قبلك حياتي غبرا
دقي دقي مش مشكلة ولو في العضام اطقي اوراس بوك ماعزمك عليا اترقي
حطي سنين قرايتك و الخبره عالجرح جيبيها وبيها شقي طريق الشقا بالك جروحي تبرا

مشكووره